Sterkur listi

Frjálslyndra í Reykjavík.

Það er mikill fengur fyrir FF að Jón og Magnús skuli leiða listann í Rvk, hérna eru á ferðinni menn sem þora að kalla hlutina sínum réttu nöfnum, sbr. innflytjenda umræðuna sem þeir félagar komu af stað á haustmánuðum, mál sem flestum finnst óþægilegt að tala um og þal. dæma þá sem því þora sem rasista og þaðan af verra.  Ýmsir ganga svo langt að líkja Frálslynda flokknum við KKK, tilfellið er að svona ummæli dæma sig sjálf og segja meira um þá sem láta þau frá sér fara en þá sem þau eru ætluð.

Bendi einu sinni enn á málefnahandbók Frjálslyndra sem er að finna á heimasíðu flokksins, sem og stjórnmálayfirlýsingu frjálslyndra, og spyr hvar í þessum gögnum er að finna e-ð sem ber vott um rasisma og útlendingahatur? 

Gjafakvótakerfi stjórnvalda, lækkun okurvaxta, hækkun á skattleysismörkum í 150Þ á mán, afnám verðtryggingar á lánum, afnám gjaldtöku í Hvalfjarðagöng og lækkun vöruverðs er meðal annara stórmála sem FF hefur á stefnuskránni.

Það er deginum ljósara að breytinga er þörf, og það gerist ekki ef sama ríkisstjórn situr áfram eftir kosningar.

Kveðja af skaga.

PS.

Frjálslyndir eru komnir til að vera og spái ég því að þeir nái inn amk. 5 jafnvel 6 mönnum í kosningunum í vor, og gætu þar með verið með lykilstöðu í myndun næstu ríkistjórnar.

Magnús Þór og Jón Magnússon í fyrstu sætunum í Reykjavík

Það er að minnsta kosti

deginum ljósara að það er stemming í landinu fyrir því skipta um ríkisstjórn.  Allt bendir til að Framsókn þurkist út í næstu kosningum, eða svo gott sem, íhaldið fær væntanlega sín 37-8%, Samfylking og VG munu vera í kringum 20% hvor og Frjálslyndir ca. 11-13%. Restinni munu Framsókn og aðrir smáflokkar skipta á milli sín.

Þarna er kominn grundvöllur fyrir 3 flokka stjórn FF, VG og Samfylkingar. Það er óskandi að þetta verði útkoman úr kosningunum í vor, það er löngu komin tími til að losna við íhaldið úr ríkisstjórn, ríkisstjórn sem er skítsama um launþegana í landinu, öryrkjana og gamla fólkið. Þeir hafa verið duglegir að berja sér á brjóst fyrir góða afkomu ríkiskassans undanfarin ár, en hafa launþegar þessa lands séð þessa aura í sínum buddum?

Þar sem að afkoman er svona góð hvernig væri þá að hækka skattleysismörk úr 90þ uppí 150þ eða amk, uppí lágmarks laun, þannig að þeir lægstlaunuðu fengju að halda megninu af laununum sínum.

Nei það virðist ekki vera á stefnuskrá stjórnarinnar, enda um hægri stjórn að ræða sem eingöngu hyglir sínum þe. fyrirtækjum og fjármagnseigendum. 

kv. af skaga.

 

Steingrímur: Bullandi stemning fyrir því að fella ríkisstjórnina

Velkominn Kristinn H.

Þetta eru að sjálfsögðu góð tíðindi fyrir FF, Kristinn hefur gott persónulegt fylgi í norð vestur, og mun nær örugglega reita nokkuð mörg atkvæði af framsókn þar, og sennilega á landsvísu einnig. Enda láta viðbrögð bloggverja á stjórnarvængnum ekki á sér standa, þar skín óttinn í gegn "all the way"

Greinilegt að Kristinn hefur læknast af framsóknarsjúkdómnum (eins og gamall kunningi minn kallaði það að vera framsóknarmaður)og er það vel.

Kristinn vertu velkominn.

Kveðja af skaga 

PS. áður en einhver ætlar að halda áfram sandkassaleiknum og byrja eina ferðina enn að bendla FF við rasisma og útlendingahatur, vil ég benda hinum sama á að lesa stjórnmálayfirlýsingu Frjálslyndra, sem samþykkt var á landsþinginu, á heimasíðu flokksins.

Kristinn H. Gunnarsson velkominn til liðs við frjálslynda

Danir eiga

sinn Árna Johnsen, í Peter Brixtofte, bæjarstjóra í Farum í 16 ár.

Peter Brixtofte misnotaði aðstöðu sína svo um munaði sem kóngurinn í Farum, ekki var óalgengt að rauðvínsflöskur á 9unda þúsund dkr. væru á borðum er hann bauð fólki á veitingahús á kostnað bæjarins.

FCN sem áður hét Farum Boldklub, var Peters hugðarefni og misnotaði hann aðstöðu sína til að skara eld að þeirri köku svo um munaði, frægt er þegar Farum Arena opnaði fyrir nokkrum árum, er Brixtofte taldi að ekki væri langt í að Farum Boldklub kæmist í fremstu röð í Evrópu, meistaradeildar titill var ekki spurning um hvort heldur hvenær..... ekki löngu síðar hrundi loftkastali Brixtofte er tveir duglegir rannsóknarblaðamenn opinberuðu allt svindlið.

Loksins er búið að dæma þennan "snilling" í fangelsi, fyrir fjárdrátt í opinberu starfi, allan tíman hefur hann að sjálfsögðu haldið fram sakleysi sínu, þrátt fyrir það var hann rekinn úr Venstre (danska sjálfstæðisflokknum) á íslandi er það ekki svona, nei hér er mönnum hampað og hleypt inná þing aftur...... hvað er í gangi?

Kveðja af skaga 

Brixtofte í 2 ára fangelsi

Gott mál

fyrir bæinn okkar, ekki eru mjög mörg ár síðan að skagamenn voru undir 5000, þannig að þetta er allt á réttri leið.

 

Skagamenn orðnir 6.000

Ekkert óeðlilegt

að einhverjir segi sig úr Frjálslynda flokknum, bæði vegna óánægju með úrslit kosninga til varaformanns og eins er líklegt að hluti þeirra sem skráðu sig í flokkinn á landsþinginu hafi aldrei ætlað sér annað en að reyna hafa áhrif á einmitt varaformannskjörið og munu þal. segja sig úr flokknum á ný.

Þetta er alþekkt í kringum prófkjör flokka til kosninga og þykir varla fréttnæmt.

 

 

Um 20 úrsagnir úr Frjálslynda flokknum

"Gróði" ríkissjóðs

"Geir H. Haarde sagði, að afkomutölur bankanna, sem birtust í dag, væru m.a. vitnisburður um þau skilyrði sem efnahagslífið byggi við. Þessi góða afkoma myndi m.a. skila sér í skattgreiðslum til ríkissjóðs."

Hvaðan kemur allur þessi hagnaður, og hvers getum við, neytendur þessa lands vænst af þessum auknu skatttekjum ríkissjóðs?

Getur verið að þjónustgjöld, okurvextir, verðtrygging og vextir á verðtryggingu, yfirdráttarvextir uppá ca. 23% osv. sé stór hluti af þessum "gróða" bankanna.

Lítið dæmi.

Húsnæðislán uppá kr. 12.400.000 tekið í okt. 2005 á 4,15% vöxtum með fyrstu greiðslu í des 2005, stendur í dag í kr. 12.979.366 þrátt fyrir að á þessum tíma hafi verið greitt kr. 1.022.058, semsagt lánið hefur hækkað um 600þ. á þessum tíma.... ekki að ógleymdum 400þ. kr. lántökukostnaði, sem er meðal annars 1,5% nefskattur í ríkiskassann, meðan annarsstaðar í heiminum er notast við fastar upphæðir í lántökugjöldum.

Hvaða rugl er þetta eiginlega.....

Eina sem Geir Haarde er umhugað um er að ríkiskassinn hans fitni, hefur þetta skilað sér til fjölskyldna í landinu? 

Skuldaaukning heimilana virðist bara aukast, skítt með að fasteignir hækki í verði, það er ekkert annað en leikur að tölum, sala á húsnæði þýðir oftast að það þarf að kaupa  nýtt,  og nema fólk flytjist langt út á land, þá er hinn svokallaði gróði horfinn og yfirleitt gott betur en það.

Hversvegna hefur allur þessi "gróði" ríkisins ekki verið notaður til að hækka skattleysismörk verulega, upp í amk. 150þ. kr. á mán? Nei, að sjálfsögðu fellir stjórnin niður eigna skatt, hátekjuskatt og lækkar skatt á fyrirtækjum, hverjir græða á því? Amk. ekki hinn almenni launþegi.

Geir segir að tekjur ríkissjóðs hafi aukist verulega við að lækka skatt á fyrirtæki í 18%, hvað með að lækka tekjuskatt á einstaklingum í 18% líka, það hlýtur þá að fita ríkiskassann eða hvað? 

Forsætisráðherra: Íslenskt efnahagskerfi níðsterkt

Frjálslyndir og kynþáttahatur.

Eru ekki sama stærð!

Það hefur mikið verið rætt og skrifað undanfarna daga, vikur og mánuði að Frjálslyndi flokkurinn sé að breytast í hægri öfga þjóðernisflokk, sem vill loka landinu fyrir útlendingum.

Þetta er engan veginn rétt, xf vill aftur á móti reyna að reka ábyrga innflytjenda pólitík, t.a.m. með því að stuðla að því að þeir sem hingað komi, fái íslensku kennslu, þeim séu tryggð sömu réttindi á atvinnumarkaði og innfæddum, að börn útlendinga fái móðurmálskennslu, að þeir þurfi ekki að búa við slakan kost, ss. í yfirgefnu atvinnuhúsnæði eða vinnuskúrum.

Það er alltof auðvelt að taka hlutina úr samhengi, orð Jóns Magnússonar í blaðagrein á haustdögum, þar sem hann segir að hann vilji ekki sjá öfgamenn úr bræðralagi Múhameðs, hafa verið tekin og þýdd sem, "ég vil ekki sjá neina útlendinga hér, ég er rasisti".

Þetta er náttúrlega algjört bull.

Hver vill fá öfgahópa í næsta nágrenni við sig, sama hvað guð þeir aðhyllast? Er það ekki staðreynd að islamskir ofsatrúar menn hafa verið skæðir í hryðjuverkum undanfarin ár? Viljum við bjóða þá velkomna til okkar....?

Ég er nokkuð viss um að jafnvel hörðustu óvinir Jóns Magnússonar munu svara þessu neitandi.

Er ekki komin tími til að líta á þessi mál raunsætt, með opnum huga, og viðurkenna þá staðreynd að ef ekki verður rekin ábyrg innflytjendapólitík á Íslandi næstu árin, munum við enda eins og Danmörk og Svíþjóð, sem hafa verið að reka sig á ógrynni af vandamálum tengt innflytjendum undanfarin ár. T.d. voru 95% af glæpum í Svíþjóð, fyrir nokkrum árum, framin af innlytjendum.

Ég er ekki að dæma alla eftir þessari statistík, en þetta eru skelfilegar tölur.

Kv. Einar Ben.