Greyið litli Vælinho

það eru allir svo vondir við litlu ofdekruðu dúkkurnar hans.....

 

....ég mæli með að einhver sendi honum eins og 7 km af handklæði til að þerra tárin, hann gæti svo sent nágranna sínum í Arsenik eins og 2 km af handklæðum, ekki veitir nú heldur af á þeim bænum.

 

Mourinho hefur áhyggjur af gulum spjöldum

Skoðanakannanir síðustu daga

eru frekar skrítnar, VG mælast ýmist með 25% eða í kringum 15% fylgi.

Ég tel að kannanir Blaðsins og Fréttablaðsins séu minna marktækar en kannanir Gallup (Capacent) þar sem úrtak í könnunum þessara tveggja miðla er einungis í kringum 800 manns og svarhlutfall innan við 60%, á meðan Gallup notar stærra úrtak, eða í kringum 13-1400 manns, þó er svarhlutfall þar einnig aðeins í kringum 60% þó hærra en í könnunum Blaðsins og Fréttablaðsins.

Reyndar finnst mér afskaplega lítið að marka allar þessar kannanir, td. er ég nokkuð viss um að raunfylgi D og B lista sé um 35-7%  hjá D og 11-14 hjá B, semsagt D fær minna en kannanirnar sýna og B meira, verði þetta niðurstaðan er stjórnin fallin, og er það af hinu góða.

 

Fylgi VG minnkar samkvæmt nýrri könnun

Leiðinlegt

að Mike yfirgefi okkur eftir svo stuttan tíma í starfi sem forstjóri Norðuráls.  Mike kom virkilega vel fyrir og voru flestir starfsmenn hrifnir af honum sem persónu og sem forstjóra, ég ræddi við hann í örfá skipti um hluti sem viðkomu minni vinnu í NA og var hann alltaf tilbúin að hlusta og taka mark á skoðunum mínum sem og öðrum sarfsmönnum á gólfinu, enda sjálfur alin upp í álverum sl. 20-25 árin.

Hann byrjaði á gólfinu og vann sig upp, þannig að hann veit sennilega af reynslu að þeir sem vinna við hlutina, eru oft betur til þess fallnir að koma með hugmyndir að betrumbótum en td. verkfræðingar sem einungis hafa hannað hlutina en aldrei komið nálægt því að vinna með þá.

Um þetta eru nokkur dæmi út um allan heim, og mættu fleiri taka sér Mike Tanchuck til fyrirmyndar.

Reyndar virðist hann ekki tolla í vinnu neinsstaðar , Norðurál var 10 álverið sem hann starfar hjá.....

Gaman að kynnast þér Mike og vegni þér vel á nýjum vettvangi.

Forstjóri Norðuráls lætur af störfum

Ánægjulegt

að sjá að fylgi Frjálslyndra er á uppleið.

Eitt sem er áhyggjuefni samkvæmt þessari könnun er að ríkisstjórnin heldur velli.

Athyglisvert er einnig tap VG sem og lítið fylgi Í listans, þó það þurfi kannski ekki beinlínis að koma á óvart, ég tel að almeningur í landinu sé komin með uppí kok af allri þessari umhverfis umræðu, (sem þó vissulega er full þörf á að ræða) og að kosið verði um efnahag þessa lands.

Þó ég nánast aldrei sé sammála fyrrum skólabróður mínum úr FB, Eiríki Bergmann, þá verð ég að vera sammála því sem hann segir í grein í Blaðinu í dag, en þar segir " Nú tala allir um budduna, með einum eða öðrum hætti. Önnur mál svo sem umhverfismál, sem verið hafa ofarlega í umræðunni undanfarið, eru smám saman að víkja fyrir auknum áherslum á efnahags og atvinnumál. Eins og alltaf."

Finnst mér eins og mörgum að framboð Ómars sé í raun og veru vatn á myllu stjórnarinnar og að hann í raun hjálpi helstu andstæðingum sínum að halda velli, með því að vera að plokka í fylgi hinna stjórnarandstöðuflokkana.

Hvað um það, könnun Blaðsins um fylgi stjórnmálaflokkanna nú mánuði fyrir kosninga er samt sem áður kannski ekki alveg marktæk þar sem einungis 54,7% tóku afstöðu og 36,7% voru óákveðin. 

Er það einna helst fylgi D-listans sem ég ekki hef trú á að haldi, ég hef áður spáð því að sjallarnir muni fá  uþb. 35-38% fylgi, sem ég tel vera raunfylgi þeirra.

Dregur úr fylgi VG samkvæmt könnun Blaðsins

Stefna VG í innflytjendamálum

er hér að neðan tekið af síðu Sóleyjar Tómasdóttur

• Lýðræði og mannréttindi - þar sem lagt er upp úr að opna samfélagið og aðlaga svo innflytjendur geti verið virkir þátttakendur á eigin forsendum.
• Velferðar og heilbrigðismál - þar sem gert er ráð fyrir að allir sem hingað koma geti nýtt sér grunnþjónustu samfélagsins.
• Atvinnumál - þar sem mikilvægustu aðgerðirnar eru að tryggja atvinnufrelsi einstaklinga, koma í veg fyrir mismunun og gæta þess að upplýsingar um réttindi og skyldur komist til skila.
• Menntun innflytjenda - þar sem lagt er upp úr að innflytjendur fái menntun sína metna að verðleikum og að þeir hafi sama aðgang að LÍN og aðrir íbúar landsins.
• Skólamál - þar sem fjallað er um fjölmenningarfræðslu, móðurmálskennslu og íslensku sem annað móðurmál, sem og stuðning við fjölskyldur innflytjenda og samskipti við þær.
• Íslenskukennsla er svo lokakaflinn, en þar er gert ráð fyrir kennslu á kostnað samfélagsins fyrir innflytjendur.

Að neðan getur að líta þann hluta stjórmálayfirlýsingar FF sem snýr að innflytjendum, og var samþykkt á landsfundinum í Janúar.

-----------------------------------------------------------------------

4. Málefni innflytjenda:

Frjálslyndi flokkurinn metur mikils vinnuframlag erlends fólks við uppbyggingarstarf í íslensku samfélagi síðustu misserin.

Margt af þessu fólki mun dvelja hér langdvölum og ber samfélaginu skylda til að veita því stuðning og hjálp til aðlagast íslensku samfélagi, m.a. með íslenskukennslu.

Frjálslyndi flokkurinn telur afar nauðsynlegt að stjórnvöld hafi fullt eftirlit með komu erlends verkafólks inn á vinnumarkaðinn og tryggi að réttur þess sé virtur og aðbúnaður mannsæmandi. Flokkurinn telur að fólk sem hingað kemur eigi að geta notað sína menntun og fagþekkingu á innlendum vinnumarkaði, enda sé fullgildum skírteinum framvísað.

Frjálslyndi flokkurinn mun þó beita sér fyrir að undanþága sú, sem samið var um í EES-samningnum, varðandi innflutning verkafólks frá aðildarlöndum EES, verði nýtt og innflutningur takmarkaður, í samræmi við ákvörðun íslenskra stjórnvalda.

Yfirvöld verða á öllum tímum að hafa stjórn á því hverjir og hvað margir innflytjendur koma til landsins. Jafnframt ber öllum, sem sækja hér um dvalarleyfi, að skuldbinda sig til að hlíta íslenskum lögum og stjórnarskrá.

Frjálslyndi flokkurinn varaði á Alþingi við afleiðingum þess að nýta ekki undanþáguákvæði um frjálst streymi fólks frá nýju aðildarlöndum Evrópusambandsins til landsins. Ríkisstjórnin neitaði að hlusta á þau varnaðarorð sem þingmenn Frjálslynda flokksins höfðu uppi, auk þess sem ríkisstjórnin vanrækti að marka stefnu í málefnum innflytjenda.

Ekkert gerðist í þessum málum fyrr en Frjálslyndi flokkurinn hóf umræður um innflytjendamál sl. haust.

Íslenskt þjóðfélag er að breytast í fjölmenningarþjóðfélag og er afar mikilvægt að nýir borgarar aðlagist samfélaginu og kynnist menningu þjóðarinnar og tungu.

-----------------------------------------------

Geta fleiri en ég séð margt sameiginlegt með stefnu þessara tveggja flokka í innflytjendamálum....? Einhver?

Hvað er hægt að segja

annað en að þetta er hreinasta snilld, The treble here we come......

 

Man.Utd. rótburstaði Roma, 7:1

ha ha ha......

Hér er komin, í smækkaðri mynd, teikningar Jyllands Posten af spámanninum Múhamed.

Amerískur prófessor "vogar" sér að velja Ísland af handahófi (ímynda ég mér) hefði eins getað verið Luxemborg eða Færeyjar, sem target fyrir sprengjur amerískar.... (í gríni nota bene)

....hvað gerist hér á hinu mjög svo hátíðlega Íslandi? Jú, við tryllumst og sendum hótunarbréf til proffans, erum semsagt ekkert betri en þeir öfgatrúuðu múslimar sem brenndu danskar bækur og danska fánann á sínum tíma vegna þess að einhverjir spaugarar í DK "voguðu" sér að teikna skopmyndir af Muhamed.

Við frónbúar erum svo merkileg með okkur að það má ekkert segja eða gera sem særir þjóðernisvitund okkar, sbr. þjóðsönginn í spaugstofunni ofl.

Þjóðsöng sem bæ ðe vei, fáir geta sungið eða þekkja frá upphafi til enda, og í fjölda ára hefur farið halloka í vinsældum, þar sem margir telja að Ísland er land þitt væri mun betra sem þjóðsöngur okkar.

Já það er ekki ofsögum sagt af okkar góðu þjóð, kannski komin tími til að stíga niður úr fílabeinsturninum....

 

 

Biður þjóðina afsökunar

Ef framfarir eru ekki málið

hvað er þá málið, afturfarir, ekki getum við staðið í stað, einfaldlega vegna þess að allt í heimi hér er annahvort á uppleið eða niðurleið, ekkert stendur í stað!

Ljóst er því að biskup vor vill afturför, sem og alltof stór hluti þjóðarinnar, samkvæmt skoðanakönnunum síðustu vikna, sem segja að allt að rúmlega 1/4 þjóðarinnar ætli sér að kjósa Vinstri Galna og þar með efnahagslegan kjarnorkuvetur......

Reyndar hef ég litla trú á skoðanakönnunum einfaldlega vegna þess að svarhlutfallið er ansi lítið, einungis um 60% svara eða taka afstöðu, þetta tel ég að muni breytast á kosningadegi, spá mín fyrir komandi kosningar er þanning

Sjallarnir 35-38%

Framsókn 8-11%

Samfylking 22-25%

Vinstri G. 13-16%

Frjálslyndir 9-12%

Ómar og co undir 5%

Stjórnin fellur, en gæti með stuðningi FF haldið vellið, annar möguleiki er að sjálfsögðu kaffibandalagið, nú eða jafnvel samfó, vg og framsókn þó ekki sé það vænlegt og greinilega ekki vilji þjóðarinnnar, þar sem tveir af þessum þremur flokkum eru að tapa töluverðu fylgi.

Gleðilega páska.

 

Áherslan á endalausar framfarir er tál

Sýnir hve þörf umræðan er

og á Frjálslyndi flokkurinn hrós skilið fyrir að þora að taka umræðuna upp og einnig fyrir að hafa tekið við öllum þeim barsmíðum sem á honum hafa dunið æ síðan, en engu að síður staðið uppréttir og ekki hvikað í neinu frá sínum skoðunum.

Ekki er nokkur vafi á því að þetta er löngu tímabær umræða, og svo virðist vera sem að Frjálslyndir flokkurinn sé eina stjórnmálaaflið í landinu sem þorir að taka á þessu viðkvæma máli og segja hlutina eins og þeir eru.

Meðan pissudúkkurnar í hinum flokkunum hoppa í kringum þetta eins og köttur í kringum heitan graut og fordæma FF fyrir eitt og annað sem á enga stoð í raunveruleikanum, hvar er umburðarlyndið og virðingin fyrir tjáningarfrelsi og skoðunum annara?

Að kasta steinum úr glerhúsi er þetta víst kallað!

Er ekki komin tími á hina flokkana að einbeita sér að sjálfum sér og sínum baráttumálum, í stað þess að eyða öllu púðrinu í að rakka niður FF, ég er ekki viss um að það gefi mörg atkvæði af sér.

Don´t shoot the messenger, listen to the message!

Linka hér á stórgóða grein Kristins H um innflytjendamál og verðbólgu.

Segir Frakka vera að missa þolinmæðina vegna innflytjenda

Frábært fyrir landsbygðina

ef Hlynur Sigmarsson kæmist í stjórn HSÍ, það vantar kjarnorkubolta sem ekki liggja á skoðunum sínum í æðstu stöður innan HSÍ, eitt er víst að Hlynur er engin JÁ dúkka sem stendur og situr eftir annara höfði.

Gangi þér vel í þessari baráttu Hlynur.

 

Þrír vilja í stjórn HSÍ